17 de maio: Día das Letras Galegas

 

Como ben sabedes, este ano o Día das Letras Galegas està adicado a Xela Arias, pero: 

quen foi? que sabedes dela? coñecedes a súa obra?

Propoñémosvos unha viaxe pola súa vida e obra a través de diversos videos, xogos e outros recursos multimedia que vos amosarán dun xeito ameno o seu legado. Empecemos por este breve video presentado por Pablo Rodríguez Vila:

Ou esta presentación sobre a súa figura que preparou o CEIP Xesús San Luís Romero:

Ou se queredes, podedes coñecer dun xeito lúdico parte da súa obra a traves destas presentacións interactivas que prepararon os EDLG de diferentes CEIP e, de paso, poñedes a proba o voso galego;)

Ánimo, que isto non fixo máis ca empezar!

premede na frecha da esquina dereita de embaixo, se non a vedes agrandade a imaxe nos puntiños...

 

Entón... estavos prestando? pois aínda temos moito máis que ofrecervos!    Por exemplo, estes simpáticos podcasts da Radio o Millafaladoiro na que o alumnado do IES do Milladoiro de Ames agasállannos cunha entrevista á "mesmísima" Xela Arias que nos desvelará detalles da súa vida. Amáis de escoitar os seus testemuños, tamén poderemos escoitar algúns dos poemas máis representativos da autora sarriá. 

ENDLG IESdoMilladoiro · Entrevistas con Diego- Podcast especial: Xela Arias

ENDLG IESdoMilladoiro · ESCOLMA XELA ARIAS

Mais a verdadeira voz de Xela Arias escóitase na seguinte serie recitando os seus versos nas gravacións cedidas polo músico Fernando Abreu, con quen a poeta preparaba un espectáculo poético-musical no momento do seu pasamento en novembro de 2003.

A palabra esgazada  

 

Na que a Real Academia Galega aborda a vida e a obra da protagonista das Letras Galegas 2021 nunha serie documental de 6 episodios breves (15'), da man dos seus achegados e diversos artistas do panorama galego. 

 

 

 

 

Pois se aínda queredes máis, a Secretaría Xeral de Política Lingüística colaborou coa Real Academia Galega nunha homenaxe audiovisual colectiva que presenta testemuños de persoas que coñeceron a Xela Arias xunto a novas olladas e recitados dos seus escritos de académicos e académicas, persoeiros do mundo da cultura, mozos e mozas e cidadáns e cidadás de distintos perfís profesionais. Podedes gozar dela premendo en:

ONDE CANTA A POETA

 

 

Agardamos que disfrutárades de todo este material e aprenderades moito sobre Xela Arias porque agora vai tocar pórse á proba...

 

Vémonos na vindeira entrada!