Onde o mundo se chama Galiza

A directora de Turismo de Galicia, Nava Castro, participa  na entrega de premios que tivo lugar en Cans, Porriño, no marco do Festival de Cans Nesta edición participaron 14 centros educativos de toda a comunidade co obxectivo de por en valor as paisaxes, a natureza, as lendas e a gastronomía dos territorios polos que pasa a senda O concurso de curtas organizase dentro das accións de promoción e difusión da Senda Litoral de Galicia e contou coa colaboración da Secretaría Xeral de Política Lingüística e a Secretaría Xeral de Educación e a Fundación Galicia Sustentable. Máis información.

  O colexio Virxe do Camiño de Rubiá álzase co premio do concurso-exposición das Letras Galegas 2022 O secretario xeral de Política Lingüística, Valentín García, fai entrega do galardón na modalidade de Infantil e Primaria A proposta gañadora ‘Florencio Delgado Gurriarán, poeta do agro’ destaca pola súa orixinalidade, a calidade estética e artística e a idoneidade das diversas técnicas e materiais empregados Valentín García tamén se trasladou ao IES Cosme López, da Rúa, para presentar a exposición sobre ou autor homenaxeado no 17 de maio dirixida a centros de Educación Secundaria, FP e outras ensinanzas Ambos os proxectos permiten realizar un percorrido polos momentos máis significativos da biografía e pola obra e a época do autor de Valdeorras. Máis información.

Certame escolar Olloboi 2022, concurso destinado ao profesorado e alumnado de todas as etapas educativas dos centros de ensino galegos. A temática das videocreacións é libre e a duración debe ser, preferiblemente, inferior a 20 minutos. O prazo para presentar as curtas remata o 24 de maio. https://www.olloboi.com/olloboi-2022/

Un curso máis o IES Pontepedriña de Santiago de Compostela convoca o seu Concurso de Booktrailers, un certame organizado polo EDLG deste instituto compostelán, co apoio da Secretaría Xeral de Política Lingüística, para promover a lectura e a creación audiovisual en galego entre o alumnado de 12 a 18 anos. Máis información.

Convócase o IV Certame de Podcasts en Galego Xosé Mosquera Pérez, o Vello dos Contos, organizado, coa colaboración da Secretaría Xeral de Política Lingüística da Xunta de Galicia, polo IES Plurilingüe Rosalía de Castro de Santiago de Compostela, Arraianos Producións e o colectivo Ponte ... nas Ondas! Máis info.

O secretario xeral de Cultura e o secretario xeral de Política Lingüística participan na apertura da mostra enmarcada na programación da efeméride. Percorre a vida e a obra do autor e comeza a súa itinerancia no Barco de Valdeorras para continuar despois de Ourense e Santiago de Compostela. O secretario xeral de Cultura, Anxo Lorenzo, e o secretario xeral de Política Lingüística, Valentín García, asisten  á inauguración da exposición Florencio Delgado Gurriarán. Bebedeira de ensoños no Teatro Lauro Olmo do Barco de Valdeorras. Máis información.

Extraordinario e completísimo material do Seminario Galán que, un ano máis, supera as expectativas que o profesorado galego ten depositadas neste grupo de traballo. Alén da cronobiografía ou do álbum de fotos de Florencio M. Delgado Gurriarán e das actividades axeitadas tamén para imprimir en papel (carteis, unidades didácticas, escolma de textos, cuestionario de preguntas, díptico, etc.), tamén nos ofrece actividades interactivas en liña (roscos de palabras, geniallys...), un vídeo sobre o escritor valdeorrés e ata unha fermosa canción orixinal inspirada no poema "A pandeirada". Máis información.   1 , 2 , 3 , 4 , 5 ,  etc.

  ‘FalaRedes 2022’ abre cunha homenaxe a Florencio Delgado Gurriarán O secretario xeral de Política Lingüística presenta a undécima edición do programa de dinamización da lingua galega En total desenvolveranse máis de 40 sesións de oito actividades variadas pensadas para o ocio de toda a familia en entidades adscritas á Rede de Dinamización Lingüística Máis información.

Os trens de Servicio Público de Galicia destacarán nos repousacabezas a imaxe do autor valdeorrés. O conselleiro de Cultura, Educación e Universidade, Román González, e o presidente de Renfe, Isaías Táboas, asinan en Santiago de Compostela un acordo de colaboración para homenaxear a Florencio Delgado Gurriarán, autor ao que se lle dedica este ano o Día das Letras Galegas. Máis información.

A través da análise de textos da literatura galega, un total de 15 participantes coñecerán as ferramentas para mellorar a súa destreza da man do escritor Javier Peña O secretario xeral de Política Lingüística, Valentín García, participa na presentación do Obradoiro de creación de personaxes que ofrecerá a Xunta de Galicia co gallo do Día do Libro. Máis información.

  A Xunta abre a nova convocatoria das axudas para promover o uso da lingua galega no ámbito local. Destínanse 350.000 € para apoiar a creación, reforzar e manter os servizos lingüísticos, así como as programacións municipais de dinamización Búscase fomentar o galego no deporte, na mocidade, no tecido empresarial e nos servizos sociais, entre outros Os concellos poden solicitalas ata o 2 de maio. Máis información.

  A Xunta convoca a primeira edición do novo fondo de proxectos culturais ‘Tece redes en galego’ O secretario xeral de Política Lingüística, Valentín García, presenta esta nova iniciativa, dotada con 500.000€ ,que amplía as iniciativas dos últimos anos As persoas e entidades interesadas poderán presentar as súas solicitudes entre os días 9 e 25 de abril a través da Sede Electrónica do Goberno autonómico. Máis información. TeCe Redes en Galego

Galicia expresou a súa solidariedade co pobo ucraíno tras os primeiros ataques iniciados por Rusia. As institucións públicas, os partidos políticos e diferentes personalidades condenaron os ataques ruso e deron todo o seu apoio a Ucraína.  A Xunta, a través do seu vicepresidente primeiro, Alfonso Rueda, que presidiu o Consello da Xunta pola ausencia do titular, Alberto Núñez Feijóo, iniciou a súa rolda de prensa tras a xunta autonómica cunhas palabras nas que ten expresou o seu apoio á posición mantida por España e a UE ante o conflito de Ucraína. Antes da comparecencia en prensa protagonizada por Rueda, o presidente galego, Alberto Núñez Feijóo, publicou na súa conta de Twitter unha mensaxe na que manifestaba a súa solidariedade con Ucraína.   "O futuro de Europa e do mundo é preocupante. Toda a solidariedade co pobo ucraíno e todo o apoio á Unión Europea na defensa do legado de democracia e paz que queremos deixar aos nosos fillos", dixo o presidente galego no seu perfil

 Concurso de Fotografía Galega Neste mes de abril, anímase ao alumnado e profesorado a participar nun concurso de fotografía coa temática galega .  Os participantes terán que presentar dúas fotografías que representen a nosa cultura galega, ademais haberá que acompañalas dalgunha palabra galega e unha ilustración que exemplifique as nosas tradicións e costumes de Galiza.  Fervenza Haberá premios para as tres mellores fotografías.  Prazo:  06/05/22 Envía as túas fotos a: edlgribadeo@gmail.com Organiza: EDLG da EOI de Ribadeo

  María Elena Sobrino Fernández ,  Doctora en Pedagoxía pola Universidade de Santiago de Compostela. Actualmente desempeña a súa labor na Aula Hospitalaria do Hospital Clínico Universitario de Santiago de Compostela. Máis información.

A Regueifa é unha cantiga improvisada entre dúas ou máis persoas que seguen un mesmo cantar ou son durante o tempo que dura unha disputa sobre un tema determinado. Ademais, ten a característica de que cada regueifeiro canta unha estrofa de catro versos octosílabos nos que riman os pares e quedan libres os impares (de maneira que formalmente coincide coa copla popular). Pode verse certo parecido coa tenzón medieval, na que tamén había unha disputa entre dous trobadores sobre un tema determinado, mais a regueifa foi e é máis popular. https://gl.wikipedia.org/wiki/Regueifa_(canto) A contorna de Bergondo foi o marco escollido polo alumnado do CPI Cruz de Sar para interpretar esta regueifa inspirada no seu Concello. No blog Anxopictogramas atoparedes esta peza e súa correspondente versión con pictogramas para que a poida comprender o alumnado con necesidades específicas de apoio educativo ou que emprega sistemas alternativos de comunicación. Fonte do recurso

  Científicas destacadas, activistas de distintas nacionalidades, incluída a estudante Greta Thunberg, todas loitan pola supervivencia e sustentabilidade do planeta, tamén dende unha perspectiva de xénero. Así nolo reflicten as alumnas de Antropoloxía de 1.º de BAC do IES Porto do Son nesta ilustrativa presentación. https://etikeles.wordpress.com/2019/03/12/ecofeminismo/ Ecofeminismo

  Esta cita, impulsada en colaboración co Concello de Santiago, ábrese o venres coa participación de Miren Agur Meabe, Ana Romaní, María Cabrera e Antonio Barahona   As entradas serán gratuítas poderán reservarse desde este venres e o programa completo da iniciativa poderá consultarse no Portal da Lingua Galega   Santiago de Compostela, 14 de marzo de 2022.-  O festival de poesía Alguén que respira!, arranca este venres 18 a súa quinta edición co apoio da Xunta e recuperando o modelo de catro xornadas consecutivas dos seus inicios. Baixo o lema Corpos, disidencias, desexo, reunirá no Teatro Principal de Santiago a destacadas personalidades da poesía contemporánea. Así o anunciaron hoxe en rolda de prensa o secretario xeral de Política Lingüística, Valentín García, e a concelleira de Acción Cultural do Concello de Santiago, Mercedes Rosón, acompañados do escritor Antón Lopo, encargado da dirección do festival. Máis información.

  A compañía estadounidense impulsa a presenza da lingua galega na plataforma de streaming mediante o subtitulado e a dobraxe dunha selección de títulos Os subscritores de 190 países do mundo poderán acceder a series e películas en galego como ‘Emiliy en París’, ‘The Mother’, ‘Garra’, ‘Sandman’ ou ‘Pinocho’, entre outras Santiago de Compostela, 15 de marzo de 2022.-  A plataforma de entretemento Netflix dá un paso máis para impulsar a presenza da lingua galega no seu servizo mediante o subtitulado dunha selección de series e películas internacionais e a dobraxe de varios títulos infantís e familiares. Esta iniciativa é posible despois de varias conversas que o Goberno galego mantivo cos representantes da compañía estadounidense en España na procura do obxectivo común de levar a lingua galega ata o mundo da televisión á carta. Máis información.